CHI
SON MI?
Toscana mia Mama(Camaiorese)
Papa de nascita Pugliese,
nol
saveva una parola de Barese,
ma
assai ben e no poco el Triestìn patoco.
Mi son nato a Scoglieto,
davanti l'Università
nova
e sentì parlar- in dialeto
sempre, a casa e fora.
Prima de la guera,abitavimo
in Ponziana.
La
mularia zogava solo in strada
E
podè creder come che se parlava
sempre
e solo in dialeto streto.
Dalmato el mio secondo
Nono
de
Sebenico (per tuti, Totò).
Mia
Nona "vedova de guera"toscana,
come
mia Mama
Assai poco go studiado e a stento in verità
(el
maestro bontà sua!.. inteligente el xe si!. ma..)
Scarso
d'ingegno e de meningi lento,
fadigà go non poco ma, finì l'impegno
Imbarcado de Ufizial
"All'Italia s.p.Az",go navigado
e senza pensar né tanto, né poco ne... ai guai...,.,
molado go tuto in
bando.
"Ierimo giovani e inamorai"!
"Sposi felici
per la vita"in S.Antonio vecio.
Ma...
pensado ga ben el destin de... portarmela via.
El
bel sogno xefinì assai presto,
lassandome
l'Amor,el suo bel ricordo e... nostra fia.
Non me son da per vinto,... non go molado.
Come el salmon, risali' go la corente
e, dopo diese ani, senza dismentigar
niente,
... "me son risposado ".
Al'ombra de San Giusto
e del Melon vivemo;
de
casa sentimo el Campanon e
de
l'alto del cole de S. Vito,
"Miramar"
e tuto el nostro bel golfo vedemo.
Anzi a ela ghe devo contar... spiegar...,
perché la xe assai bela,generosa,
sposa amorosa e brava de cantar,
ma...la luce dei sui oci purtropo riposa.
Ma strano come che xe la gente;
co parlo in ....lingua....”par fin”
fieri del nostro bel dialeto....i me fa:
ma lei sior,....”non la xe miga Triestin!?
M.B.Nevio
1/3/2004
